Microsoft kompaniýasy programma üpjünçiliginiň birnäçe gowşaklyklaryny aýyrmak üçin howpsuzlyk täzelenmelerini çykardy. Microsoft 2023-nji ýylyň fewral aýynyň «Sişenbe düzedişleriň» çäginde köp sanly gowşaklyklary düzetdi.

Düzedilen gowşaklyklaryň arasyndan 12 sany gowşaklyk – hukuklary artdyrmak, 2 - howpsuzlyk çäklendirmelerinden aýlanyp geçmek, 38 - uzaklykdan kod ýerine ýetirmek, 8 – maglumatlary aýan etmek, 10 - «hyzmat etmekden ýüz öwürmek» ýagdaýyna getirmek we 8 – spufing amala aşyrmak mümkinçilikleri berýärler.

Şeýle hem, 2023-nji ýylyň fewral aýynyň «Sişenbe düzedişleri» üç sany 0-day gowşaklyklary üçin düzedişleri öz içine alýar, bu gowşaklyklar:

• CVE-2023-21823 - Windows Graphics düzüm böleginde uzaklykdan kod ýerine ýetirmek mümkinçiligi berýän gowşaklyk;
• CVE-2023-21715 - Microsoft Publisher ulgamynda howpsuzlyk çäklendirmeleri aýlanyp geçmek mümkinçiligi berýän gowşaklyk;
• CVE-2023-23376 - Windows Common Log File System Driver draýweriň hukuklary artdyrmak mümkinçiligi berýän gowşaklyk.

Gowşaklyklar we täzelenmeler barada goşmaça maglumaty Microsoft kompaniýanyň 2023-nji ýylyň fewral aýynyň howpsuzlyk täzelenmeleri sahypasynda görüp bilersiňiz – microsoft.com.

Çeşme: bleepingcomputer.com