Ýaramaz niýetli ulanyjylar RedLine atly açar sözleri we maglumatlary ogurlaýan zyýanly programma üpjünçiligi ýükleýän Excel XLL faýllaryny ýaýratmak üçin web-saýtlaryň habarlaşmak üçin niýetlenen bölümleriň we pikir alyşmak üçin forumlaryň üsti bilen spam-hatlary paýlaýarlar. RedLine zyýanly programma üpjünçiligi maglumat ogurlaýan troýan bolup, cookie-faýllary, ulanyjylaryň atlaryny we açar sözlerini, web-brauzerleriň ýadynda saklanýan bank kartlaryň maglumatlary, FTP maglumatlary we gowşak enjamyň faýllaryny ogurlaýar. Şeýle hem, RedLine buýruklary ýerine ýetirmek, beýleki zyýanly programmalary enjama ýükläp, işletmek we Windows-yň işjeň ekranyny surata almak ýaly hereketleri ýerine ýetirip bilýär.

Web-saýtlaryň habarlaşmak üçin niýetlenen bölümlerine galp mahabat ýüzlenmeleri, baýramçylyk sowgatlary boýunça gollanmalar we web-sahypada mahabatlary ýerleşdirmek ýaly dürli fişing-hatlary yzygider ýagdaýda ugradylýardy. Ýaramaz niýetli ulanyjylar zyýanly programma üpjünçiligini gurnaýan zyýanly Excel XLL faýllaryny ýerleşdirmek üçin galp web-saýtlary hem döretdiler.

Çeşme: bleepingcomputer.com