Cisco kompaniýasy birnäçe önümleriniň gowşaklyklaryny aýyrmak üçin howpsuzlyk täzelemeleri çykardy. Ýaramaz niýetli ulanyjy bu gowşaklyklaryň birnäçesinden ulgamy dolandyrmak mümkinçiligini gazanmak, "Hyzmat etmekden ýüz öwürmek" ýagdaýyna getirmek (DoS) ýa-da buýruklary girizmek üçin peýdalanyp bilýär.

Bu täzelenmeler ýokary derejede howply gowşaklyklar üçin düzedişleri öz içine alýar:

• Cisco Web Security Appliance web-şlýuzyň "Hyzmat etmekden ýüz öwürmek" ýagdaýyna getirmek (DoS) mümkinçiligini berýän gowşaklygy — CVE-2021-34698;

• Cisco Intersight Virtual Appliance wirtual maşynyň dolandyryş web-interfeýsinde buýruklary girizmek gowşaklygy - CVE-2021-34748;

• Cisco Small Business 220 tapgyrly akylly swiçleriniň geçirijilik derejesinde ýüze çykarmak protokolynyň (LLDP) birnäçe gowşaklyklary - CVE-2021-34775, CVE-2021-34776, CVE-2021-34777;

• Cisco Identity Services Engine platformanyň hukuklary artdyrmak gowşaklygy - CVE-2021-1594;

• Cisco ATA 190 tapgyrly analog telefon adapteriň programma üpjünçiliginde buýruklary girizmek gowşaklyklary - CVE-2021-34710, CVE-2021-34735;

• Linux we Mac OS ulgamlary üçin niýetlenen Cisco AnyConnect Secure Mobility Client programmasynda paýlaşylan kitaphanany almak mümkinçiligini berýän gowşaklyk – CVE-2021-34788.

Cisco kompaniýasy birnäçe orta derejede howply gowşaklyklary üçin düzedişleri çykardy. Ähli düzedilen gowşaklyklar barada giňişleýin maglumaty Cisco howpsuzlyk sahypasynda görüp bilersiňiz – cisco.com.