Android operasion ulgamyna gurnalan zyýanly programmalardan goramak üçin niýetlenen Google Play Protect ulgamy AV-TEST antiwirus laboratoriýasynyň synagyndan geçmedi. Bu ulgam 20 müň zyýanly programmalardan takmynan üçden iki bölegini tapyp bildi.

AV-TEST netijelerine görä, ykjam howplardan goraýan Google çözgüdi 2021-nji ýylyň ýanwar-iýun aýlary aralygynda alty aýyň dowamynda barlanan 15 sany Android howpsuzlyk çözgütleriň arasynda iň soňky orny eýeledi.

Synagyň dowamynda Google Play Protect ulgamy üç tapgyrdan ybarat synaglarda bilermenler tarapyndan ulanylan 20 müňe golaý zyýanly programmalaryň üçden iki bölegini tapdy. Synagyň her tapgyrynda howpsuzlyk çözgüdi 3 müňden gowrak zyýanly programmalaryň nusgalaryna (soňky 24 sagatda ýüze çykarylan) we 3 müňden gowrak beýleki nusgalar toplumyna (soňky aýda ýüze çykarylan) garşy göreşmek ukyby synag edildi.

Synagdan geçirilen ähli ykjam howpsuzlyk programmalaryndan diňe Bitdefender, G DATA, McAfee, NortonLifeLock we Trend Micro önümleri zyýanly programmalary ýüze çykarmak boýunça iň ýokary derejäni görkezdiler (100%).

Mundan başga-da, Google Play Protect ulgamy Google Play dükanyndan we Android programmalaryň keseki dükanlaryndan AV-TEST tarapyndan gurnalan 10 müňe golaý howpsuz programmalardan 70 sany programmalary zyýanly diýip kesgitledi.

Çeşme: securitylab.ru