Google kompaniýasy Android operasion ulgamy üçin niýetlenen 2021-nji ýylyň iýul aýynyň howpsuzlyk täzelenmeleri çykarylandygy barada habar berdi, bu täzelenmeler 40-dan gowrak gowşaklyklary düzedýärler.

Bu gowşaklyklaryň arasynda iň howplusy System düzüm bölegine täsir edýär we «ýaramaz niýetli ulanyjy üçin uzaklykdan ýörite döredilen faýlyň kömegi bilen aýratyn hukukly prosesiň çäginde erkin kod ýerine ýetirmek mümkinçiligini berýär», -diýip Google maslahatynda beýan edýär.

2021-07-01 belgili howpsuzlyk düzedişler toplumynyň çäginde on ýedi sany gowşaklyklar düzedildi. Bu gowşaklyklara Framework düzüm böleginiň iki sany hukuklary artdyrmak ýalňyşlyklary, Media Framework düzüm böleginiň iki sany hukuklary artdyrmak we maglumatlary aýan etmek ýalňyşlyklary, şeýle hem System düzüm böleginiň ýedi sany hukuklary artdyrmak we alty sany maglumatlary aýan etmek ýalňyşlyklary girýärler.

Bu gowşaklyklaryň ählisi üçin ýokary derejede howply diýip baha berildi we olaryň köpüsi Android 8.1, 9, 10 we 11 ulgamlary bilen işleýän enjamlara täsir edýärler.

Bu aýyň Android täzelenmeleriniň ikinji topary (2021-07-05) Framework (bir mesele), System (dört sany ýalňyşlyk), MediaTek (bir gowşaklyk), Widevine DRM (bir gowşaklyk), Qualcomm (10 sany gowşaklyk), şeýle hem ýapyk düýp kodly Qualcomm (7 sany gowşaklyk) düzüm bölekleriniň 24 sany gowşaklyklary üçin düzedişleri öz içine alýar.

Şeýle hem, Google kompaniýasy Pixel enjamlarynda düzedilen gowşaklyklar barada maglumatlary öz içine alýan howpsuzlyk maslahaty neşir etdi. Bu gowşaklyklara ýadronyň düzüm böleginde bäş sany orta derejede howply gowşaklyklary, bir sany Pixel ýükleýjisiniň ýokary derejede howply ýalňyşlygy we Qualcomm düzüm böleginiň dört sany orta derejede howply gowşaklyklary girýärler.

Çeşme: securityweek.com