Microsoft kompaniýasy 2024-nji ýylyň iýul aýynyň «Sişenbe düzedişleriň» çäginde programma üpjünçiliginiň birnäçe gowşaklyklaryny aýyrmak üçin howpsuzlyk täzelenmelerini çykardy.

Düzedilen gowşaklyklaryň arasyndan 26 sany gowşaklyk – hukuklary artdyrmak, 24 - howpsuzlyk çäklendirmelerini aýlanyp geçmek, 59 - uzaklykdan kod ýerine ýetirmek, 9 – maglumatlary aýan etmek, 17 - «hyzmat etmekden ýüz öwürmek» ýagdaýyna getirmek we 7 – spufing amala aşyrmak mümkinçilikleri berýärler.

Şeýle hem, 2024-nji ýylyň iýul aýynyň «Sişenbe düzedişleri» dört sany 0-day gowşaklyklary üçin düzedişleri öz içine alýar, bu gowşaklyklar:

• CVE-2024-38080 -  Windows Hyper-V hukuklary artdyrmak mümkinçiligi berýän gowşaklyk;
• CVE-2024-38112 – Windows MSHTML Platform düzüm böleginde spufing amala aşyrmak mümkinçiligi berýän gowşaklyk;
• CVE-2024-35264 - .NET we Visual Studio önümlerinde uzaklykdan kod ýerine ýetirmek mümkinçiligi berýän gowşaklyk;
• CVE-2024-37985 – Maglumatlary aýan etmek mümkinçiligi berýän gowşaklyk.

Gowşaklyklar we täzelenmeler barada goşmaça maglumaty Microsoft kompaniýanyň 2024-nji ýylyň iýul aýynyň howpsuzlyk täzelenmeleri sahypasynda görüp bilersiňiz – microsoft.com.

Çeşme: bleepingcomputer.com