Microsoft kompaniýasy programma üpjünçiliginiň gowşaklyklaryny aýyrmak üçin howpsuzlyk täzelenmelerini çykardy. Microsoft 2023-nji ýylyň iýul aýynyň «Sişenbe düzedişleriň» çäginde birnäçe howpsuzlyk gowşaklyklary düzetdi.

Düzedilen gowşaklyklaryň arasynda 33 sany gowşaklyk – hukuklary artdyrmak, 13 - howpsuzlyk çäklendirmelerinden aýlanyp geçmek, 37 - uzaklykdan kod ýerine ýetirmek, 19 – maglumatlary aýan etmek, 22 - «hyzmat etmekden ýüz öwürmek» ýagdaýyna getirmek we 7 – spufing amala aşyrmak mümkinçilikleri berýärler.

Şeýle hem, 2023-nji ýylyň iýul aýynyň «Sişenbe düzedişleri» alty sany 0-day gowşaklyklary üçin düzedişleri öz içine alýar, bu gowşaklyklar:

• CVE-2023-32046 - Windows MSHTML platformasynyň hukuklary artdyrmak mümkinçiligi berýän gowşaklygy;
• CVE-2023-32049 - Windows SmartScreen düzüm böleginde howpsuzlyk çäklendirmelerden aýlanyp geçmek gowşaklygy;
• CVE-2023-36874 – Ýalňyşlyk barada maglumat berýän Windows gullugynda (Windows Error Reporting Service) hukuklary artdyrmak mümkinçiligi berýän gowşaklyk;
• CVE-2023-36884 - Office we Windows HTML programmalarynyň uzaklykdan kod ýerine ýetirmek gowşaklygy;
• CVE-2023-35311 - Microsoft Outlook programmasynyň howpsuzlyk çäklendirmelerden aýlanyp geçmek gowşaklygy;
• ADV230001 – Microsoft tarapyndan gol çekilen draýwerleri zyýanly ulanmak meselesini aýyrmak boýunça gözükdirme.

Gowşaklyklar we täzelenmeler barada goşmaça maglumaty Microsoft kompaniýanyň 2023-nji ýylyň iýul aýynyň howpsuzlyk täzelenmeleri sahypasynda görüp bilersiňiz – microsoft.com.

Çeşme: bleepingcomputer.com