GitLab döredijileri howply gowşaklygy aýyrmak üçin howpsuzlyk täzelenmesini, ýagny 16.0.1 wersiýany çykardylar, bu gowşaklyk üçin CVE-2023-2825 identifikatory we CVSS v3.1 görkezijisi boýunça 10.0 derejesi berildi. Gowşaklyk GitLab Community Edition (CE) we Enterprise Edition (EE) 16.0.0 wersiýasyna täsir edýär. Autentifikasiýa barlagy geçmedik ýaramaz niýetli ulanyjy nyşana alnan ulgamda islendik faýllary okamak üçin bu gowşaklykdan peýdalanyp biler. GitLab döredijileri GitLab 16.0.0 wersiýanyň ulanyjylaryna gysga wagtyň içinde 16.0.1 täzelenmesini gurnamagy maslahat berýärler.

Gowşaklyk we täzelenme barada goşmaça maglumaty GitLab howpsuzlyk maslahatynda görüp bilersiňiz – gitlab.com.